Wel, dyna ni wedi trefnu ein dangosiad cyntaf! Roedd hi'n noson arbennig - ry'n ni mor ddiolchgar i bawb sydd wedi'n cefnogi. Roedd yr ystafell yn llawn unigolion creadigol ry'n ni wedi edmygu ers blynyddoedd. Braf oedd gweld gymaint o gefnogaeth o'r sin theatr Gymreig at y gwaith - yn enwedig ar nos Sul gwlyb ym mis Ionawr! Mae Gwawr wedi bod yn gweithio ar gyfieithiad Cymraeg o ddrama Chloe Moss Christmas is Miles Away, a'r teitl ry'n ni'n defnyddio ar hyn o bryd yw Man Gwy

Bore 'ma gyrron ni lan yr A470 i ymweld â hen ysgol Gwawr - Ysgol Gyfun Rhydywaun, yn Hirwaun. Treulion ni bach o amser gyda'r chweched (bl.12 a 13) a chynnal gweithdy gyda nhw. Ychydig o gemau ac ymarferion wnaethon ni'n bennaf - roedd sgiliau keepy uppy y criw heb ei ail!! Cyn i ni gyrraedd, roedden nhw wedi darllen drafft ddiweddara' Criw Brwd o 'Man Gwyn Man Draw' a chawson ni sgwrs ddifyr ynglŷn ag ieithwedd y ddrama. Bwriad Gwawr yw cynrychioli tafodiaith yr union ardal

Ry'n ni'n hynod gyffrous fod The Other Room wedi'n caniatau ni i gynnal ein noson gyntaf fel cwmni ar eu llwyfan! Diolch i Dan, Bizzy a'r holl griw, a staff Porters hefyd! Bydd 3 actor yn darllen drafft cyntaf Man Gwyn Man Draw o flaen cynulleidfa wahoddedig. Cyfieithiad newydd sbon o ddrama lwyddiannus Chloe Moss Christmas is Miles Away yw'r prosiect. Ry'n ni'n edrych 'mlaen at gael adborth a chymorth cyn i ni ddechrau trefnu ein lansiad fel cwmni - gobeithio fyddwch chi'n g